第01版:banjdaeuz
下一版4
 
Gvangjsih Minzcuz Bau
Siz Ginbingz Bae Yawjngonz “Langhbaij Lizsij Cunghgoz Gungcanjdangj ‘Mbouj Lumz Goeknduj、Geiqmaenh Sawjmingh’”
Vunzlai Mbanjmyauz Danqhaenh Aencingz Aendangj
Aen Hoih Bauq Cawjdaez Cingzgingj Gij Saeh Senhcin Yienghndei Gaenxguh Seuqcingh Guengjsae Youq Namzningz Banh
版面导航     
3上一期  下一期4
新闻搜索:  
3上一篇  下一篇4 2021年6月23日 放大 缩小 默认        

Aen Hoih Bauq Cawjdaez Cingzgingj Gij Saeh Senhcin Yienghndei Gaenxguh Seuqcingh Guengjsae Youq Namzningz Banh
广西勤廉榜样先进事迹主题情景报告会在邕举行
 

6 nyied 18 hauh, Aen Hoih Bauq Cawjdaez Cingzgingj Gij Saeh Senhcin Yienghndei Gaenxguh Seuq- cingh Guengjsae youq Namzningz banh. Swcigih Dangjveij suhgi、Swcigih Yinzda Cangzveijvei cujyin Luz Sinhse guh baecih, cukhoh bouxvunz senhcin gaenxguh seuqcingh ndaej byaujcangh haenx, maqmuengh caezgya insik mingzdaeuz、laebdaeb roengzrengz,youq gyaez gangjvei gingq saehnieb、gaenxguh vih bek- singq、banhsaeh seuqcingh daengj fuengmienh engq ndei fatok gij cozyung daiqdoengh guhyiengh.

Luz Sinhse giengzdiuh, gak dieg gak bouhmonz daengx gih aeu giethab hagsib son’gyauq lizsij aendangj, gya rengz hagsib senhconz senhcin okhingz, laebdaeb gyagiengz hwnjguh aendoih ganbu, doidoengh guhbaenz gij heiqfaenh ndei hag yienghndei gaenxguh seuqcingh、cengguh ganbu gaenxguh seuqcingh. Dangjyenz ganbu daengx gih aeu nyinhcaen hagsib gvancez doeksaed gij gangjvah youq- gaenj caeuq gij cingsaenz gangjvah youqgaenj mwh Siz Ginbingz cungj- suhgi cazyawj Guengjsae haenx, aeu senhcin okhingz guh yienghndei, cengguh ganbu ndei miz saenqniemh giendingh、vih beksingq fugsaeh、gaenxguh saedguh、gamj rapdawz、seuqcingh, gyonj rengz hwnjguh aen Guengjsae gyaeundei sevei cujyi miz daegsaek Cungguek seizdaih moq, haenqrengz raiz biencieng Guengjsae cienzmienh hwnjguh aen guekgya yendaiva sevei cujyi.

Bineix doxdaeuj, vih caenh- itbouh gik gyoengq dangjyenz ganbu gyaez gangjvei gingq saehnieb、gaenxguh vih beksingq、seuqcingh souj gijliz、fouzsei okrengz, ginggvaq Swcigih Dangjveij doengzeiq, Swcigih Gijveij Genhveij、Swcigih Dangjveij Cujciz Bu、Swcigih Dangjveij Senh- conz Bu lienzhab guh aen hozdung bingzsenj byaujcangh bouxvunz senh- cin gaenxguh seuqcingh, gak gaep gak bouhmonz daengx gih bingzsenj ok 2674 boux yienghndei gaenxguh seuqcingh, doigawj 124 boux vunz- deqsenj bouxvunz senhcin gaenxguh seuqcingh Guengjsae, caemhcaiq daj ndawde bingzsenj ok 49 boux bouxvunz senhcin gaenxguh seuqcingh Guengjsae.

Hai hoih gaxgonq, Fan Yaujli、Fangz Lingzminj bae raen daengx- cungq bouxvunz senhcin gaenxguh seuqcingh Guengjsae. Cwngh Van- mingz、Cau Lozcinz、Couh Cwngz- fangh、Hoz Sinhhing camgya mizgven hozdung.

(Vangz Cunhnanz Vei Hwngz)

 
3上一篇  下一篇4  
 
   
   
   


版权所有 广西民族报

联系电话:0771-5528076 5559552
传真:0771-5528087 电子邮箱:gxmzbw@163.com
地址:广西南宁市桂春路16号 邮政编码:530028
 

关闭