第01版:banjdaeuz
下一版4
 
Gvangjsih Minzcuz Bau
Siz Ginbingz Bae Yawjngonz “Langhbaij Lizsij Cunghgoz Gungcanjdangj ‘Mbouj Lumz Goeknduj、Geiqmaenh Sawjmingh’”
Vunzlai Mbanjmyauz Danqhaenh Aencingz Aendangj
Aen Hoih Bauq Cawjdaez Cingzgingj Gij Saeh Senhcin Yienghndei Gaenxguh Seuqcingh Guengjsae Youq Namzningz Banh
版面导航     
3上一期  下一期4
新闻搜索:  
3上一篇  下一篇4 2021年6月23日 放大 缩小 默认        

Siz Ginbingz Bae Yawjngonz “Langhbaij Lizsij Cunghgoz Gungcanjdangj ‘Mbouj Lumz Goeknduj、Geiqmaenh Sawjmingh’”
习近平参观“‘不忘初心、牢记使命’中国共产党历史展览”
 

Sinhvazse Baekging 6 nyied 18 hauh dienh Youq mwh angqhoh Cunghgoz Gungcanjdangj laebbaenz 100 hopbi, Cunghgung Cunghyangh cungjsuhgi、guekgya cujsiz、Cungh- yangh Ginhveij cujsiz Siz Ginbingz 18 hauh bae Aen Guenj Langhbaij Lizsij Cunghgoz Gungcanjdangj, yawjngonz “langhbaij lizsij Cunghgoz Gungcanj- dangj ‘mbouj lumz goeknduj、geiq- maenh sawjmingh’”, caemhcaiq daiq dangjyenz lingjdauj dungzci dauq- cungz doeg vahmieng haeuj aendangj. De giengzdiuh, lizsij aendangj dwg cek sawsonhag ceiq sengdoengh、ceiq ndaej gangjfug. Bak bi aendangj raeuz, dwg bak bi laemxsim hengzguh mbouj lumz goeknduj, dwg bak bi gannanz roengz giek cauhnieb, dwg bak bi cauh cingzcik hungmbwk hai coglaeng ronghsag. Dauqngeix diuzroen buek- guh byaij gvaq, muenghyawj diuzroen haenqguh baenaj baihnaj, aeu hag ndei、 cungjgez ndei lizsij aendangj, swnjcienz ndei、fatyiengz ndei ging- niemh dijbauj aendangj, geiqmaenh gij ginglig buekguh, rapdawz sawj- mingh lizsij, daj ndaw lizsij buekguh aendangj hag aeu gij ndei hawj raeuz baenaj. Aeu son’gyauq dazyinx gyoengq dangjyenz、ganbu doenggvaq yawjngonz hagsib, gagrox bae mbouj lumz goeknduj、geiqmaenh sawjmingh, gyagiengz “seiq aen yisiz”, giendingh “seiq aen gagsaenq”, swhsiengj cwngci hengzdoengh caeuq dangj- cunghyangh baujmaenh doxdoengz, giendingh lijsiengj saenqniemh, hag ndei yungh ndei gij lijlun cauhmoq aendangj, laebdaeb hwngfat baenaj, fatyiengz cienzdoengj miznaj, fatok gij cozyung guhyiengh daiqdaeuz, daiq beksingq gak cuz daengx guek doxgiet doxndei, engq ndei laebdin duenh hwngfat moq、gvancez leixniemh hwngfat moq、cauhlaeb gwzgiz hwngfat moq, cienzmienh guhndei gaijgwz hwngfat onjdingh gak hangh hong, comz gij rengz hung cienzmienh hwnjguh aen guekgya yendaiva sevei cujyi、saedyienh aen loqsiengj Cung- guek fukhwng hungmbwk Cunghvaz Minzcuz.

Lij Gwzgyangz、Liz Cansuh、Vangh Yangz、Vangz Huningz、Cau Lozci、Hanz Cwng、Vangz Gizsanh camgya hozdung.

Yawjngonz sat le, Siz Ginbingz daengj dangjyenz lingjdauj dungzci daeuj daengz daihding saekhoengz aen guenj langhbaij lizsij aendangj. Najdoiq geizdangj Cunghgoz Gung- canjdangj hoengzfwdfwd haenx, Siz Ginbingz yaengx fwngz gvaz gaem- gienz, daiq lingjdauj dungzci dauq- cungz doeg vahmieng haeuj aendangj, gij sing vahmieng youq ndaw daihding goksagsag.

 
3上一篇  下一篇4  
 
   
   
   


版权所有 广西民族报

联系电话:0771-5528076 5559552
传真:0771-5528087 电子邮箱:gxmzbw@163.com
地址:广西南宁市桂春路16号 邮政编码:530028
 

关闭