第01版:banjdaeuz
下一版4
 
广西民族报
Bi 2018 Sawcuengh Vahcuengh Suijbingz Gauj- si Youq Guengjsae Minzcuz Daihhag Gauj
SIUSIK DINJ
Sanhgyangh: Daegsaek Fungcingz Yinx Bouxhek
Dwzbauj: “Banhaemh Gyangjsiz” Haeuj Sim Lwgminz
版面导航     
3上一期  下一期4
新闻搜索:  
3上一篇  下一篇4 2018年8月8日 放大 缩小 默认        

Bi 2018 Sawcuengh Vahcuengh Suijbingz Gauj- si Youq Guengjsae Minzcuz Daihhag Gauj
2018年度壮语文水平考试在广西民族大学举行
 

Ndwen 8 ngoenz 4 banhaet, bi 2018 Sawcuengh Vahcuengh suij- bingz gaujsi youq Guengjsae Minzcuz Daihhag gauj. Baez gaujsi neix gungh miz 371 boux gaujseng camgya gaujsi, gaujseng cujyau daj Namz- ningz、 Liujcouh、 Fangzcwngz- gangj、 Ginhcouh、 Gveigangj、 Bak- saek、 Hozciz、 Laizbinh、 Cungzcoj daengj 9 aen si daeuj. Gaujseng mboujdan miz Bouxcuengh, lij miz Bouxgun、Yauzcuz、Mauznanzcuz、 Mulaujcuz daengj dem. Ngoenzhaenx, Swcigih Minzyijveij fucujyin Veih Yungjhungz、Yi Siz,fusinzsiyenz Yiz Feih caeuq Guengjsae Minzcuz Daih- hag gvendaengz lingjdauj cunzyawj gaujciengz.

Ciuq Swcigih Minzyijveij gven- daengz bouxfucwz gaisau, Gaujsi neiyungz baugvat Sawcuengh Vah- cuengh yaemvah、 sawloih、 vahfap、 coenz vah、 gap sawloih cauh coenz vah、 yawjdoeg roxyiuj、 fanhoiz (Cuengh hoiz Gun、 Gun hoiz Cuengh) caeuq raiz faenzcieng daengj fuengmienh cihsiz, cujyau dwg gauj gij naengzlig yungh Sawcuengh Vahcuengh. Gaujsi faen cogaep、 cunggaep、gaugaep 3 aen daengjgaep, saedhengz doengjit daihgang、doengjit okdaez、doengjit habgek biucinj、 doengjit guenjleix saenqsik caeuq doengjit mbawcingq daengjgaep. Gaujsi yungh bizsi hingzsik guh, gaujsi faensoq dwg 100 faen, gaujsi cingzcik 60 faen dwg faensoq habgek, 80 faen(baugvat) doxhwnj dwg daengj gyap, 60 faen doxhwnj 80 faen doxroengz dwg daengj iet. Danhfanz bouxgaujseng gauj ndaej habgek faensoq doxhwnj, Swcigih Minzyijveij couh fat mbawcingq gvendaengz daengjgaep hawj de.

(Moz Binh)

 
3上一篇  下一篇4  
 
   
   
   


版权所有 广西民族报

联系电话:0771-5528076 5559552
传真:0771-5528087 电子邮箱:gxmzbw@163.com
地址:广西南宁市桂春路16号 邮政编码:530028
 

关闭