当前位置: Sawcuengh > yiengh ndei Mbanjcuengh

Miuhhoih Cwnzvuengz Bouxcuengh Yougyangh

2020年09月17日    来源:广西民族报    作者:Maj Veiyungz comz hoiz    字号:[    ]

Vunzmbanj gvihsax ciepcoux baizsaenz Cwnzvuengz.

Aendoih bae Mbanjbyavaiz ciep saenzbaiz Goengsam.

Giuhnding ram saenzbaiz Cwnzvuengz haeuj mbanj.

Aendoih ciep saenzbaiz yied byaij yied gyahung.

Goengdauh youq bakmiuh namging caeqbaiq.

Boux daeuzmbanj ciepcoux saenzbaiz.

Goengdauh haeuj miuh namging caeqbaiq.

Gyoengq mehmbwk daem ceizet dajcuengq.

Vunzmbanj siuyieng saxbaiq Cwnzvuengz.

Vunzmbanj simgingq caeqbaiq Cwnzvuengz.

  Mbanjcuengh rangh dieg Yougyangh miz gij miuh Cwnzvuengz hunghung iqiq haenx, gij lizsij miuh Cwnzvuengz daj Cingciuz hainduj. Gyoengqvunz dawz gojsaeh youqgaenj bouxvunz mwh saeqdoj Gveiqsae haenx caeuq gij gojgaeq gyoengqde gyonj guh boux “saenz yinghyungz” ndeu, gij vunz neix cungj dwg vih le hoenx vunzdig、hen henzguek cij dai bae, bouxde couhdwg Cwnzvuengz, vunzraeuz guh miuh baiqsax haenx. Moix bi liggaeuq ndawco samnyied, Bouxcuengh dangdieg cungj aeu banh aen miuhhoih hozdung ndeu bae geiqniemh Cwnzvuengz, mbaenjgouz baenz bi cungj mbouj cai mbouj nanh. Aen hozdung aeu guh sam ngoenz yienghneix.

  Youq ndaw miuhhoih Cwnz- vuengz, aen miuh Cwnzvuengz Mbanjdaihlwngq、aen miuhcoj Cwnz Goengngeih Mbanjfaploz、aen miuh Cwnz Goengsam Mbanjbyavaiz、aen miuh hakmbwk Cwnz Yingcinh Mbanjbakfung daengj miuh haemq miz daiqbiujsingq. Liggaeuq sam- nyied coloeg daengz cogouj, Boux- cuengh dieg Yougyangh cungj youq Yieng Daihlwngq Mbanjdaihlwngq banh aen hozdung “miuhhoih Cwnz- vuengz Bouxcuengh Yougyangh” ndeu. Hozdung baumiz: Cingj goeng- dauh、cingj saenzbaiz、saxcaeq、biujyienj cezmuz、baen fuk、saenz youz haw、soengq saenzbaiz、guh laeuj bakranz daengj. Samnyied coloeg gyanghaet gouj diemjcung, aen doih bae baiq saenz couh daj miuh Cwnzvuengz hwnjdin, byaij ndaej haj goengleix le couh daengz Mbanj- maenz, haenx dwg aen miuh daxdaiq caeuq miuh goengda Cwnzvuengz. Gyoengqvunz baiq sat le couh cingj ok gij baizvih songde. Gaenlaeng, aen doih youh daeuj daengj Mbanjfaploz bae cingj aen baizvih Cwnz Goeng- ngeih; doeklaeng, aen doih youh daeuj daengz Mbanjbyavaiz, bae cingj aen baizvih Cwnz Goengsam; gyoengqvunz Mbanjbyavaiz okdaeuj, youh bae laeng aen miuh Cwnz Yingcinh Mbanjbakfung,haenx couhdwg aen miuh mehyah Cwnzvuengz. Bae daengz aen mbanj ndeu, aen doih hozdung couh lai dem aen doih iq ndeu, gij saek buhvaq gak aen doih iq cungj gak mbouj doxdoengz. Aen doih couh yienghneix daj geijcib vunz dem daengz geijbak vunz, yied bae vunz yied lai, ciengz- mienh hungloet raixcaix. Miuhhoih Cwnzvuengz Daihlwngq couhdwg yienghneix ciuh dem ciuh cienzciep roengzbae.

  Miuhhoih Cwnzvuengz louz miz haujlai gojgaeq Bouxcuengh, hix baijok gij minzcuz vwnzva Boux- cuengh dieg Yougyangh daeuj. Gij lizsij vwnzva yenzgiu gyaciz de gig sang. Bi 2010, miuhhoih Cwnz- vuengz Bouxcuengh Yougyangh senj haeuj buek daihsam swcigih gaep feihvuzciz vwnzva yizcanj mingz- loeg.

编辑:韦亦玮

公众号

抖音号

本报投稿邮箱:

gxmzbzb@163.com

gxmzb2@163.com

回到顶部