当前位置: Sawcuengh > saehmoq

Liujcouh Si Banh Aenban Bineix Son Vunz Riuzdoengh Siujsoq Minzcuz Haglienh Dinfwngz Rox Cauhhong

2020年08月14日    来源:广西民族报    字号:[    ]

  7 nyied 29 hauh banhaet, aenban bineix son vunz riuzdoengh siujsoq minzcuz haglienh dinfwngz rox cauhhong de hai ban, aenban neix youz Liujcouh Si Minzcunghveij guhdaeuz banh, Liujcouh Si Daihngeih Cizyez Yozyau okrengz banh, gungh guh 4 ngoenz. Gungh miz 23 boux gak minzcuz ginzcung daeuj ndaw ban neix hag dinfwngz; gyoengqde youz aen si neix Cwngzcungh Gih、Yizfungh Gih、Liujnanz Gih、Liujbwz Gih、Liujdungh Sinhgih caeuq Liujcouh Si Aenvenz Hezvei senj daeuj. Gyoengq bouxhag neix ndaej hag dinfwngz dajsiuq minzcuz caeuq aeu fwngz guh doenghyiengh minzcuz、guh cazyouz Dungcuz caeuq guh gijgwn iq minzcuz.

  Baih banh baez sonlienh neix naemj bae naemj dauq cix nda ndei hwnj gijmaz dangz、byawz hwnjdangz、yungh gijmaz sawson caeuq seizlawz hab guhmaz daengj. Baez sonlienh neix yienznaeuz dinj, hoeng miz haujlai sawhag; youh miz lijlun sonyinx, youh miz doengh fwngz lienhguh, habngamj bouxhag caeuq hag daeuj miz yungh dangqmaz bae. Gyoengq bouxhag haenqrengz aeu guhdaengz“doxhag doxson、doxbeij dinfwngz、guhdoih gyaak bonjsaeh”, neix youh hawj gyoengqde lai ak cauhhong caeuq lai miz bonjsaeh baenzfouq, youh doinyoengx gak minzcuz doxgyau doxhag doxyungz.

  (Cinz Conhvaz Liengz Gyahgyah)

编辑:韦亦玮

公众号

抖音号

本报投稿邮箱:

gxmzbzb@163.com

gxmzb2@163.com

回到顶部