当前位置: Sawcuengh > saehmoq

Denyingj Dinj Vahcuengh 《Minzcuz Doxgiet Ranz Vunz Ndeu》 Cingqsik Boqcuengq

2020年04月22日    来源:广西民族报    字号:[    ]

  Mboengqneix, denyingj dinj Vahcuengh 《Minzcuz Doxgiet Ranz Vunz Ndeu》 Hozciz Si Minzcunghveij cujciz goepingj haenx cingqsik boqcuengq, vih senhconz minzcuz doxgiet cinbu gyalai rengz moq.

  Denyingj doenggvaq Lanz Swng bouxcoz Yauzcuz Bahmaj Yauzcuz Swciyen ndaej daengz daxboh son camgya gij hozdung minzsuz vwnzva “sam nyied sam Bouxcuengh”, lwnh- gangj gij gojgaeq hawj vunz gamjdoengh ndaw Cuengh Yauz daengj lwgminz gak cuz: It dwg youq aen nienzdaih hoenx ciengq, Veiz Bazginz bouxcoz Boux- cuengh bae daengz Bahmaj Sihsanh Yangh guh gwzming senhconz hozdung, vunzlai Yauzcuz Sihsanh Yangh camgya gwzming nyauznyauz, caeuq gyoengq bing Veiz Bazginz daiq haenx itheij hoenx ciengq, itcig daengz hoenx ciengq ndaejhingz; ngeih dwg youq mwh gaijgwz hailangh, lajmbanj saedhengz aen cwzyinci gyaranz bauguh, Cuengh Yauz daengj vunzlai gak minzcuz doxbang doxcoengh, lumjbaenz vunzlai Yauzcuz bang vunzlai Bouxcuengh coih mieng, vunzlai Yauzcuz mbouj miz haeuxgwn, vunzlai Bouxcuengh gien haeuxgwn; sam dwg youq aen seizdaih moq sevei cujyi, Cuengh Gun daengj lwgminz gak cuz gaenxmaenx han’wngq gij yuqnaeuz aen dangj, bae daengz Mbanjyauz guh hong cinjcing banggungz, daiq vunzlai Yauzcuz vut gungz baenz miz, saedyienh aen loqsiengj siujgangh. Doenggvaq geij aen gojgaeq iq, yienh’ok gij leixniemh minzcuz doxgiet lwgminz gak cuz doxliz mbouj ndaej, aeu caemh diemheiq、caemh diuz mingh, sim doxlienz, caez- caemh doxgiet haenqguh, caezcaemh hoenghvuengh hwngfat.

  Geij bi neix daeuj, Hozciz Si mboujduenh cingjhab swhyenz, laebdaeb goepingj ok le 《Deqcaj》《Mbouj Caiq Deqcaj》《Gou Caeuq Aen Guekcoj Gou》 daengj lai bouh denyingj dinj Vahcuengh caeuq MV ciengqgo. Doenggvaq yungh vah minzcuz vunznoix gangj gojgaeq aenbiengz, langhbaij yienhsiengq aen- biengz, hawj vunzlai minzcuz laujgih caezyiengj daengz gij cwngzgoj aen- biengz hwngfat hoenghhwd.

  (Veiz Dunghcwngz)

编辑:韦亦玮

公众号

抖音号

本报投稿邮箱:

gxmzbzb@163.com

gxmzb2@163.com

回到顶部