当前位置: Sawcuengh > saehmoq

Vujcon Cin:Fwen Haeuj Hagdangz Cienz Vwnzva Hwnjguh Song Vah Cingzcik Ndei

2019年06月14日    来源:广西民族报网    字号:[    ]

  Ndwen 5 ngoenz 28, daengxcungq lauxsae hagseng aen hagdangz sawqniemh Cuengh Gun song saw vah Dunghlanz Yen Vujcon Cin Gyanghbingz Siujyoz caez ciengqgok Fwencuengh Dunghlanz, neix dwg aen hoih yienjciengq fwen Cuengh Gun song vah haeuj hagdangz gaiq daeuz Vujcon Cin, hozdung youz Cunghgung Dunghlanz Yenveij Senhconzbu daengj bouhmonz lienzhab banh, Gyanghbingz Siujyoz caeuq Aen Hezvei Fwen Vujcon ciepbanh. 283 boux lauxsae hagseng Gyanghbingz Siujyoz caeuq gyoengq canghfwen iq Dunghlanz Cin yungh gij cingz caensaed, gij fwen gyaeundei gangjok ndiepgyaez guekcoj、ndiepgyaez mbanjranz、ndiepgyaez ndwenngoenz, yungh fwen ndeidingq caezcaemh angqcoux ciet lwgnyez “roek it” daeujdaengz.

  Vujcon dwg “aenmbanj fwen Guengjsae”, geij bi neix daeuj, ndaej daengz gaep baihgwnz gak bouhmonz haeujcoengh caeuq bangcoh, Vujcon Cin gaenxmaenx doicaenh fwen haeuj hagdangz daengj hozdung, vatcimh bouxcoz nyezrauh gyaez minzcuz vwnzva, caemhcaiq guh son’gyauq, haiguh “dangzgoq Cuengh Gun song saw vah” caeuq “dangzgoq eu fwen”, hawj gyoengq lwgnyez rungh bya ndaej riengz hwnj sonhag, gaijgez gij hojnanz gyoengq hagseng hwnjdangz dingq mbouj rox. Gaenxmaenx ciu lauxsae song saw vah miz gingniemh lai, mboujduenh daezswng gij suijbingz sonhag, doicaenh hwnjguh hagdangz vwnzva gaenxmaenx doxhwnj. Hawj gyoengq lwgnyez gaenxmaenx fatyiengz gij vwnzva Mbanjcuengh maenhndei, daiqdoengh swnjcienz daegsaek vwnzva.

  (Dangz Dan)

编辑:蒙树起

公众号

抖音号

本报投稿邮箱:

gxmzbzb@163.com

gxmzb2@163.com

回到顶部