当前位置: Sawcuengh > saehmoq

Yungzanh:“Muengzcungq” Nyaengq Mbaet Mbawcaz

2019年06月14日    来源:广西民族报网    字号:[    ]

Dahsau Yauzcuz cingq mbaet mbawcaz.

  Ndwen 6 ngoenz 6 dwg “muengzcungq” ndaw ngeihcib seiq cietheiq. Cietheiq “muengzcungq”, Yungzanh Yen ngoenz ndat gvaq ngoenz, fwn raemx ngoenz lai gvaq ngoenz, cingq dwg mwh gocaz maj ndaej mwnhoengh. Beixnuengx Yauzcuz Yungzanh Yen Banjlanz Cin Dunghlingj Cunh ciengj dawz seiz guhhong mbaet mbawcaz, ceng’aeu sou ndaej lai.

  Aen cunh neix dwg dieg comzyouq Yauzcuz, vunzlai gungzhoj lai, dangdieg haijbaz sang, dienheiq hab gocaz sengmaj, baenz mbawcaz ndei, ndaej daengz gyoengq bouxcawx gyaez, ndaem caz、mbaet caz baenz diuzroen youqgaenj beixnuengx Yauzcuz dangdieg vut gungz baenz miz ndawde diuz ndeu. Youq mwh vut gungz gunggeng, dangdieg cwngfuj sonyinx caeuq bangcoh vunzlai gungzhoj Yauzcuz, laebdin gijndei dienheiq caeuq deihleix dangdieg, ndaem gocaz, yinx haeuj gocaz ndei, son’gyauq dinfwngz gyagoeng mbawcaz, daezsang gij gyaqcienz mbawcaz, hawj vunzlai gungzhoj laisou, bangrengz vunzlai gungzhoj Yauzcuz dangdieg vaiqdi vut gungz.

  (Danz Gaijhingh Cinz Ginghoz/谭凯兴 覃庆和)

编辑:蒙树起

公众号

抖音号

本报投稿邮箱:

gxmzbzb@163.com

gxmzb2@163.com

回到顶部