当前位置: Sawcuengh > saehmoq

Dwzbauj:“Song Vah” Gangj Siz Haeujgyawj Vunzlai

2019年06月03日    来源:广西民族报网    字号:[    ]

  Mboengqneix, youq ndaw aen soj gangj siz seizdaih moq Dwzbauj Yen Lungzsangh Cin Gojfuj Cunh, cingq hwnj dangzgoq gangj siz yungh “song vah” gangj vut gungz gunggeng. Bouxgangj yungh Vahbujdungh caeuq Vahyauz bonjdieg doxlawh hwnjdangz, hawj beixnuengx Yauzcuz aen cunh neix dingq ndaej rox.

  Gojfuj Cunh dwg dieg comzyouq Yauzcuz minzcuz vunz daegbied noix, gyaeujvunz Yauzcuz ciemq gyaeujvunz daengx cunh 99% doxhwnj, dwg aenmbanj gig gungzhoj Guengjsae “cibsam haj” ndawde aen ndeu, bya lai dieg noix、namh byom、giep raemx, diegyouq yakrwix, vunzmbanj souhaeuj cujyau dwg ndaem haeuxyangz caeuq ok rog dajgoeng, dingznoix ciengx mou、vaiz、yiengz、gaeq daengj doenghduz. Gojfuj Cunh aen cunh Yauzcuz daengx cunh gungh 354 ranz 1427 vunz, ranzgungzhoj laeb dangjan laeb gaj 218 ranz 881 vunz, bi 2019 dajveh vut gungz 83 ranz 410 vunz. Ganbu capyouq mbanj youq mwh cunzbyaij yawjraen, haujlai beixnuengx Yauzcuz daengx bi mbouj okdou、 bi’ndwen haemq geq haenx dingq mbouj rox Vahgun, mbouj ndaej gibseiz roxyiuj gij saedsaeh mizgven cwngcwz cwngfuj, vihneix, Gojfuj Cunh yungh “song vah” gangj siz haeujgyawj vunzlai, yungh vah vunzlai dingq ndaej rox、rox ndaej ngaih haenx guh gangj sonhag. Cienz gij dajveh caeuq banhfap vut gungz yienh、cin、cunh gaep hawj gyoengq ranzgungzhoj, gujli gyoengqde laeb saenqsim vut gungz baenz miz, gyagiengz ndangrengz bonjfaenh gaenx guh. Yuqnaeuz gyoengqde gaenxmaenx caeuq bouxlienzhaeh bangfuz boiqhab dingh gij dajveh ranz vut gungz, yungh banhfap ndei, dwkhingz vut gungz gunggeng byaijhaeuj ndwenngoenz siujgangh.

  Ciuq cam rox, Lungzsangh Cin doenggvaq yungh “song vah” gangj siz doidoengh senhconz vut gungz gunggeng mizgven cwngcwz, aenbaez roengz mbanj haeuj ranz caeuq beksingq yungh “song vah” gangjgoj, beksingq ndaej roxnyinh gij gvansim dangj caeuq cwngfuj.(Cinz Siubeih Cau Genleiz)

编辑:蒙树起

公众号

抖音号

本报投稿邮箱:

gxmzbzb@163.com

gxmzb2@163.com

回到顶部